ӨЗ ІСІНЕ ШЕБЕР- ЖУРНАЛИСТ

     Ұлттық намысы қозғыш,қоғамда болып жатқан құбылыстарға талдау жасап,халқы атынан айтатын тиіс болатын кемшіліктерін, өз жеке пікірін ортаға айтып, мәселені сауатты қоя білетін Өзбекстан Республикасының бұқаралық ақпарат құралдарының журналисті Изтелеуов Анафия Жайлыбайұлының орны бөлек болды.
Ол кезде әуелгі пікірді өзге ұлттан емес тек орыс халқының өкілі айтуға тиіс болатын,себебі бірінші болып басқа ұлт өкілдерінің пікір- ой, айтуы қалыптаспаған еді. Сондай жағдайға қарамастан екі тілде бірдей жазатын орыс тілді облыстық
“ Советская Бухара”,кейін Навоийы облыстық “ Знамя Дружбы” газеттерінің штатты тілшісі болып Үшқұдық және Тамды шаруашылықтарындағы кемшіліктермен орындалмай жатқан мәселелерге журналистік зерттеулер жүргізіп шопандардың өміріне жаңа көзқараспен қарап олардың қажетті мәселелерін шешуге газета арқылы ықпал жасап жүрді.
     Өзі малды ауылдан шыққан соң шопандардың өмірін жақсы білетін журналист проблемаларға тереңірек үңіліп,жан- жақты зерттеу еңбегінің арқасында оны орыс тілін жетік біліп шеберлікпен жеткеруінің арқасында шопандардың өмірін жақсартуда жаңа бағыт көрсетіп қоймай, әрбір жарық көрген мақаладан майталман малшылар жемісін көріп,пайдасын сезді.
Араға жылдар салып Анафия Жайлыбаұлының сол кездердегі қазақ- орыс тіліндегі газет беттеріне түскен мақалаларын оқып отырып журналистың жазған жолдарынан талғам- түсінігін,білімдарлығын,көрегендігін,өзінің да өзгенің да өзгеруді талап етіп тұрғанын ұғасың. Қазақ тіліндегі газеттерді есептемегенде тек осы Бухара және Навоийы облыстық газеттеріндегі журналистіміздің өресімен білімін,парасатымен кәсіби тәжірибесін,көз қарасымен,ой- таным қабілетін,ақиқатпен әділдігінің күш- қуатын аңғарамыз,ең бастысы- журналистік әлемін анықтайтын мүмкіншілігі бар.
Қос тілде жазатын журналистіміз Анафия Жайлыбайұлының жазған мақалаларынан тәжірибелі екендігін,өз ісін жақсы білетіндігін,редактордың талабын орындау да барлығы қолынан келетінін және оның өмірдегі позитивті позициясының тұстарын баяндап тұрғандай. Журналист Изтелеуов Анафияның екі тілде жазған мақалалары жастардың дүние танымын қалыптастыруға көмегін тигізді. Қайсы тілде де газет бетінде материалдары жарық көрсе әрбір оқырманына заманның көпдеген қиын мәселелерін түсіндіріп, басқаша қарауына жағдай жасап,журналистика мамандығының тарихының табалдырығынан аттағаннан бастап бүгінгі заманға дейінгі халықтың ой- пікірлерін жоғарғы органдарға жеткізудегі мүмкіндігін барынша пайдаланып ауқымды мәселелерді көтергендерін анықтауға болады. Екі тілде қалам тербейтін Өзбекстан Республикасының бұқаралық ақпарат құралдарының қызметкерлерінің қатарынан лайықты орын алған журналист жерлесіміз Изтелеуов Анафия Жайлыбайұлын туып өскен жерінен бастап есімін Республикада жақсы біледі.
ҚЫЗЫЛҚҰМДЫҚ журналисті жан- жақты тану үшін барша болмысын көз алдыңызға тұтас мүмкіндік жасауға тырысайық.
Бүгінгі qyzylqum.kz сайтында қонағымыздың қазақ және орыс тілінде барша Республикаға ҚЫЗЫЛҚҰМНЫҢ халқын әдет- ғұрып,салт- дәстүрін,елдің ауыр жүгін арқалаған орта буын және басшылар,білімді дәрігерлер,парасатты ұстаздар,абыз ақсақалдар,көп балалы батыр аналар,дарынды оқушылар,жезтаңдай әншілермен бишілер,құқық орган қызметкерлері,қарапайым жұмысшылар туралы жазу үшін жүздеген- мыңдаған километрлер жер жүріп барып интервьюлер алып олардың еңбектерін бағалап,насихаттап келген журналистің өмірбаянымен шығармашылығын сөз етеміз.
     Бұқара облысы, Тамды ауданында дүниеге келген тарихи отанына көшіп келгенше мектепте пионер,комсомол қатарында болып,институтты бітіріп келіпте барлығы Тамды ауданымен байланысты болды.
Анафия Жайлыбайұлы педагогикалық еңбек жолын Ташкенттегі орыс тілі және әдебиеті институтын бітіріп келіп М. Ломоносов мектебінде ұстаздықтан бастаған. Мектепте жүріп тырнақалды ауыл жаңалықтары,малшылардың табыстары,қарапайым еңбек адамдары туралы әңгімелері,қазақ тіліндегі аудандық “ Социалистік шаруашылық” Бухара облыстық орыс тілді “ Советская Бухара” газеттерінде жариялана бастады.
Журналистік карьерасы Тамды аудандық “Социалистік шаруашылық” газетасында тілші болып басталған.
Жас журналист тарихта Тамдыдан ең бірінші болып орыс тілді “ Советская Бухара” газетасында үлгілі қызмет етіп,газеттің редакциялық коллегиясының атынан Құрмет грамотасымен марапатталды.
    Ташкенттегі Республикалық жоғары партия мектебін бітіріп келіп, Тамды аудандық партия комитетіне нұсқаушы болып қызмет етіп,қайта журналистикаға барып Навоийы облысының “ Знамя Дружбы” газетасында екі Үшқұдық,Тамды региондарында меншікті тілшісі қызметін атқарып редакцияның Құрмет грамотасымен марапатталған. Осы екі ауданның тыныс- тіршілігін,аудандардың игі жақсыларымен кездесіп,ардагерлері туралы жазып қазақ тілінде шығатын Республикалық “ Нұрлы жол” газетінің да Құрмет грамотасымен марапатталған. Өзбекстан Республикасынан Қостанай облысының Рудный қаласына көшіп келіп екі тілді жетік меңгерген журналист музыка колледжінде аудармашы қызметін атқарды.
     Қызметте сыйлы,өз ісінің шебері Анафия Жайлауұлының жұбайы Ходжаназарова Қанай Алдановна педагогика саласында отыз екі жыл еңбек еткен. Қазір екеуі де зейнеткер. Ұл- қыздары барлығы қызмет етеді. Немересі Изтелеуов Арынғазы Астана қаласы” Еркеғали Рахмадиев атындағы мемлекеттік академиялық филармонияда домбырашы болып оркестрде жұмыс істейді. Балалары,немерелері Қанай Алдановнанамен Анафия Жайлыбайұлының екеуінің махаббатының, бақытының жалғасы.Бұрын аудан,облыс,республика газеттерінің беттерінен түспейтін,шығармашылық кризис дегенді білмейтін,көп оқып,көп ізденіп,өзінің идеалды журналист болуға тырысқан ерекше журналистіміздің бұқаралық ақпарат құралдарындағы журналистік карьерасын осылай суреттедік. Дарынға толы,қыдыр дарып,құт қонған қасиетті ҚЫЗЫЛҚҰМНАН жақсы,кәсіби білгір азаматтар шыққан солардың ортасында журналистикада екі тілде, орыс тілді газеталарда табысты қызмет еткен Изтелеуов Анафия Жайлыбайұлы мен Ходжаназарова Қанай Алдановнаның үлгілі отбасына денсаулық, бастарына бақ,жүректеріне махаббат,сүйіспеншілікпен сыйластық, абыройларыңыз арта берсін деп тілек тілейміз.